ევროპის სამოქალაქო დაცვისა და ჰუმანიტარული დახმარების ოპერაციების გენერალური დირექტორატის (ECHO)-ს დაფინანსებული პროექტის „ერთად შევძლებთ - თანამშრომლობა გადაუდებელი სიტუაციებისას საქართველოსა და სომხეთში“ ფარგლებში, მიმდინარე წლის 15 და 16 ივნისს, ASB საქართველომ, PPRD East 3 პროგრამასთან და შინაგან საქმეთა სამინისტროს საგანგებო სიტუაციების მართვის სამსახურთან თანამშრომლობით, მონაწილეობა მიიღო სხვადასხვა ტიპის საგანგებო სიტუაციებზე ორიენტირებულ ერთკვირიან მრავალეროვნულ საველე სწავლებაში.
წვრთნები აღმოსავლეთ პარტნიორობის ქვეყნების ბუნებრივი და ადამიანის ფაქტორით გამოწვეული კატასტროფების პრევენციის, მზადყოფნის და რეაგირების პროგრამის "PPRD East 3"-ის ფარგლებში განხორციელდა და როგორც საშტაბო, ასევე საველე კომპონენტებს მოიცავდა. მრავალეროვნული სწავლების ფარგლებში, საქართველოს, სომხეთის, აზერბაიჯანისა და მოლდოვის მეხანძრე-მაშველებმა ქართული გადაუდებელი დახმარების სამედიცინო ჯგუფთან ერთად საჩვენებელ წვრთნაში მიიღეს მონაწილეობა, რომელსაც პროგრამა "PPRD East 3"-ის ექსპერტები, პარტნიორი ქვეყნებისა და ევროკავშირის დელეგაციის წარმომადგენლები დაესწრნენ.
საჩვენებელი სწავლება რეალობასთან მაქსიმალურად მიახლოებული სცენარის მიხედვით განხორციელდა და სხვადასხვა ტიპის სახანძრო-სამაშველო ოპერაციებს მოიცავდა, მათ შორის მასშტაბური ტყის ხანძრების დროს მოქმედებას, ქიმიურ, ბიოლოგიურ, რადიაციულ და ბირთვულ ინციდენტებზე რეაგირების სავარჯიშოებს და ასე შემდეგ. საველე წვრთნების მიზანს, საგანგებო სიტუაციების დროს მრავალეროვნული სახანძრო-სამაშველო ჯგუფების კოორდინირებული მოქმედების დახვეწა და მხარდაჭერის პროცედურების გამოცდა წარმოადგენდა.
პროექტის სამიზნე ჯგუფები , მათ შორის ქალები, ბავშვები, და ასაკოვანი ადამიანები, ფინანსური მხარდაჭერის სახით ვაუჩერებს იღებენ.
სომხეთში, გადაუდებელი დახმარების სამედიცინო ჯგუფის წევრებისთვის 120-საათიანი ტრენინგ კურსი 9
3 აპრილს, ASB საქართველოს წარმომადგენლებმა მონაწილეობა მიიღეს ლაგოდეხში ბავშვთა ადრეული
ASB საქართველოს დირექტორი, კლემენს ფონ ჰეიმენდალი, რაჭა-ლეჩხუმის რეგიონში პროექტის „გენდერული და ოჯახში ძალადობის მსხვერპლთა მხარდაჭერა“ფარგლებში, მიმდინარე აქტივობებს გაეცნო. პროექტს ევროკა
„ჩვენ აქ ერთი, ძირითადად დოკუმენტებით, ფურცლებით სავსე ჩემოდნით ხელში ჩამოვედით. თქვენს მიერ, გაწეული დახმარება ჩემთვის ფასდაუდებელი იყო, რის გამოც მინდა, მადლობა ვუთხრა ASB საქართველოსა და მ