Arbeiter-Samariter-Bund-ը (ASB) ամենամեծ և հնագույն գերմանական օգնության և սոցիալական կազմակերպություններից մեկն է, որն ունի ավելի քան մեկ միլիոն անդամ: Իր հիմնադրումից ի վեր՝ 1888 թվականից, ASB-ն գործել է որպես քաղաքականությունից և դավանանքից անկախ ասոցիացիա: 1921 թվականին, կազմակերպության առաջին միջազգային առաքելությունը  դարձավ ASB-ի անբաժանելի մասն՝ արտաքային օգնության բնագավառում: Ներկայումս ASB-ն ունի 11 արտասահմանյան գրասենյակ և իրականացնում է ծրագրեր ավելի քան 20 երկրներում: 2021 թվականից ASB-ն ունի գրասենյակ Երևանում, Հայաստանում՝ <<Ավելի Ուժեղ Միասին- Արագ Արձագանքման Թիմերն Հայաստանում և Վրաստանում>> ծրագրի իրականացման համար, իսկ 2022 թվականի հուլիսից ASB-ն Արդարադատության նախարարության կողմից գրանցված է որպես ՀԿ (ՊետՌեգիստր No 211.060.1254835) Հայաստանում ։

ASB հայաստանյան մասնաճյուղը, Գերմանիայի դաշնային արտաքին գործերի նախարարության ֆինանսավորմամբ՝ «Կանխիկ փոխանցումներ և սոցիալական հոգեբանական աջակցություն Լեռնային Ղարաբաղից Հայաստան տեղահանված առավել խոցելի անձանց» ծրագրի շրջանակներում, հայտարարում է դիմում-հայտերի ընդունման և Հայաստանում գործող կազմակերպություններին հրավերներ տրամադրելու՝ սոցիալ հոգեբանական աջակցություն իրականացնելու նպատակով:

Աջակցությունները պետք է հիմնված լինեն անհատներին ինքնավստահության և ինքնագնահատականի բարձրացմանը: Մասնավորապես, գործողությունները կօգնեն Լեռնային Ղարաբաղից բոլոր տարիքային խմբերի անհատներին կառավարել սթրեսը, խթանել նրանց հոգեբանական, սոցիալական վերականգնումը և օգնել նրանց հարմարվել նոր միջավայրին:

Առաջնահերթությունը կտրվի այն դիմումներին, որոնք հատուկ ուղղված են տարեցներին, հաշմանդամություն ունեցող անձանց, կանանց և երեխաներին:

Ծրագրի իրականացման վայրը՝ ըստ կարիքի և փախստակաների տեղաբաշխվածության։

Ծրագրի առավելագույն տևողությունը կազմում է 6 ամիս (2024թ. մարտից օգոստոս)՝ ներառելով գործողությունները և հաշվետու ժամանակաշրջանը:

Ծրագրի իրականացման համար առավելագույն բյուջեն կազմում է 20 000 եվրո կամ համարժեք ՀՀ դրամ:

 Եթե Ձեր կազմակերպությունը գրանցված է Հայաստանում, ունի ամենախոցելի անձանց սոցիալ հոգեբանական աջակցություն մատուցելու փորձ, ապա հրավիրում ենք Ձեզ դիմել՝ լրացնելով կից ձևաթուղթը՝ Application Form.docx:

Խնդրում ենք ձևաթուղթն ուղարկել hr@asb.ge հասցեին՝ «Project Idea _ PSS» վերնագրով, ոչ ուշ, քան 29 փետրվարի 2024թ.։ Ընդունվում են միայն էլեկտրոնային հայտերը, և կապ կհաստատվի միայն կարճ ցուցակում ընդգրկված դիմորդների հետ: