მიმდინარე წლის 23 მარტს, ASB საქართველოს პროექტის ,,ქუთაისის მუნიციპალიტეტისთვის მეორადი სახანძრო მანქანის შეძენა“ ფარგლებში, შპს თეგეტა თრაქ ენდ ბას-ის მიერ  ჩატარდა პრაქტიკული ტრენინგი სახანძრო მანქანის გამოყენებასა და ტექნიკური უზრუნველყოფის შესახებ. ტრენინგს ესწრებოდნენ ქუთაისის სახანძრო - სამაშველო განყოფილების წარმომადგენლები.

იაპონიის მთავრობის გრასრუტისა და ადამიანის უსაფრთხოების საგრანტო დახმარების (GGP) პროგრამის ფარგლებში, საქართველოს შინაგან საქმეთა სამინისტროს საგანგებო სიტუაციების მართვის სამსახურთან თანამშრომლობით, ქუთაისის სახანძრო - სამაშველო განყოფილებას გადაეცა მეორადი სახანძრო მანქანა კიბით, 2022 წლის 22 მარტს საქართველოს არბაითერ-სამარიტერ-ბუნდსა და იაპონიის საელჩოს შორის გაფორმებული ხელშეკრულების ფარგლებში. აღნიშნული სპეც ტექნიკა საშუალებას მისცემს ქუთაისის სამმართველოს განახორციელოს მაღალსართულიან შენობებში სახანძრო-სამაშველო ოპერაციები. 

იაპონიის მთავრობის მხარდაჭერით, საქართელოს უკვე გადმოცემული აქვს მე-6 სახანძრო-სამაშველო ავტომანქანა. საგანგებო სიტუაციების მართვის სამსახურმა უკვე მიიღო სხვადასხვა სახის ტექნიკური საშუალებები თბილისის, ბორჯომის, ბათუმის და ლაგოდეხის სახანძრო-სამაშველო განყოფილებებისთვის, რომლებსაც აქტიურად იყენებენ სხვადასხვა სახის სახანძრო-სამაშველო ოპერაციების დროს.