2026 წლის 3, 4 და 5 ივნისს, ASB საქართველომ, SSK-თან პარტნიორობით, პროექტ RISE-ის  ფარგლებში ბათუმში, ოზურგეთსა და ზუგდიდში დაინტერესებულ პირთა შეხვედრებისა და გამოფენა-გაყიდვების სერია გამართა.

ღონისძიებებმა თავი მოუყარა ადგილობრივი და რეგიონული ხელისუფლების წარმომადგენლებს, სოციალური მომსახურების მიმწოდებლებს, დასაქმებისა და ბიზნესის მხარდაჭერის ინსტიტუციებს, სამოქალაქო საზოგადოების ორგანიზაციებს, დამსაქმებლებსა და ქალ ბენეფიციარებს, რათა განეხილათ არსებული გამოწვევები, გამოევლინათ თანამშრომლობის შესაძლებლობები და გაეძლიერებინათ ადგილობრივი პარტნიორობა ქალთა ეკონომიკური გაძლიერების ხელშეწყობის მიზნით.

შეხვედრები მნიშვნელოვანი დიალოგის პლატფორმა იყო ძირითადი დაინტერესებული მხარეებისთვის. განხილვის მთავარი თემები მოიცავდა იმ ბარიერებს, რომლებიც კვლავ ზღუდავს ქალთა მონაწილეობას ეკონომიკურ ცხოვრებაში, პროფესიულ განათლებასა და დასაქმების შესაძლებლობებზე ხელმისაწვდომობას, ქალთა მიერ შექმნილი ბიზნესების მხარდაჭერას და საჯარო ინსტიტუციბს, სამოქალაქო საზოგადოების ორგანიზაციებსა და კერძო სექტორს შორის თანამშრომლობის გაძლიერების პრაქტიკულ მექანიზმებს.

ASB საქართველოს პატივი ჰქონდა ემასპინძლა ლენა კოპენშტაინერისთვის, ავსტრიის საელჩოს მისიის ხელმძღვანელის მოადგილისა და კონსულისთვის, რომელმაც მონაწილეობა ზუგდიდში გამართულ ღონისძიებაში მიიღო. მისი დასწრება კიდევ ერთხელ უსვამს ხაზს ავსტრიის უწყვეტ მხარდაჭერას ქალთა გაძლიერების, სოციალური ინკლუზიისა და საქართველოში მდგრადი განვითარების ინიციატივების მიმართ.

ღონისძიებებში ასევე მნიშვნელოვანი წვლილი შეიტანეს მოწვეულმა სპიკერებმა და ექსპერტებმა, მათ შორის: გურანდა გოგიტიძემ, აჭარის ქალ ბიზნესმენთა ასოციაციიდან; მარი ნამგალაძემ, კომპანია M PROF Marketing-ის დამფუძნებელმა; თამარ ოგანოვმა, სახალხო დამცველის აპარატის გურიის რეგიონული წარმომადგენლობიდან; აკაკი კოროშინაძემ, დასაქმების ხელშეწყობის სახელმწიფო სააგენტოს სამეგრელო-ზემო სვანეთის რეგიონული სერვისცენტრის ხელმძღვანელმა; ნინო გვაგვალიამ, დასაქმების პლატფორმა Restart-ის დამფუძნებელმა.

დაინტერესებულ მხარეებს შორის დისკუსიებთან ერთად, გამოფენებმა მნიშვნელოვანი შესაძლებლობები შექმნა პროფესიული კავშირების გაფართოებისა და თანამშრომლობის გაღრმავებისთვის. ქალ ბენეფიციარებს შესაძლებლობა ჰქონდათ უშუალოდ დაკავშირებოდნენ დამსაქმებლებს, ბიზნესის წარმომადგენლებსა და მხარდამჭერ ორგანიზაციებს, ასევე წარედგინათ საკუთარი პროდუქცია, მომსახურება და სამეწარმეო ინიციატივები. აღნიშნულმა ურთიერთობებმა ხელი შეუწყო დასაქმების, მეწარმეობისა და მდგრადი საარსებო წყაროების შექმნის ახალი შესაძლებლობების გაჩენას.

ამ ღონისძიებების წარმატება ნათლად წარმოაჩენს ერთობლივი ძალისხმევის მნიშვნელობას ეკონომიკური გამოწვევების დაძლევისა და ქალებისთვის თანაბარი შესაძლებლობების შექმნის პროცესში. ინსტიტუტებს, ბიზნესს და ადგილობრივ თემებს შორის თანამშრომლობის გაძლიერებით, პროექტი RISE აგრძელებს წვლილის შეტანას ადგილობრივი ეკონომიკის გაძლიერებასა და სოციალური ინკლუზიის ხელშეწყობაში.