არიადნა მთიანი-ყარაბაღიდანაა, მას მეტყველების სირთულეები აქვს. მას, ასევე უწევს გაუმკლავდეს ახალი საცხოვრებელი გარემოთი გამოწვეულ გამოწვევებს.

არიადნას მსგავსად ბევრმა ბავშვმა დატოვა მთიანი-ყარაბაღი, მათ მხარდაჭერა სჭირდებათ. უკვე 1,000-ზე მეტმა ბავშვმა მიიღო აუცილებელი ფსიქო-სოციალური დახმარება ASB-ისა და ჩვენი პარტნიორებისგან. ერთ-ერთი ასეთი პარტნიორი ორგანიზაციაა Step Forward, რომელიც სპეციალიზებულად შეზღუდული შესაძლებლობების მქონე ბავშვების მხარდაჭერაზე მუშაობს. შუადღისას ცენტრი ბავშვებითაა და მათი მშობლებითაა სავსე. მუსიკალური თერაპიის გაკვეთილები საშუალებას აძლევს ბავშვებს, მუსიკალური ინსტრუმენტების მეშვეობით გამოიკვლიონ და განავითარონ ახალი უნარები, მაშინ როცა სხვა ოთახები განკუთვნილია კითხვის გაკვეთილებისა და ინდივიდუალური თერაპიული სესიებისთვის. სამი წლის არიადნა ამ ცენტრის ხშირი სტუმარია, ბავშვის დედა აღნიშნავს, რომ არიადნას ძალიან უყვარს ფოტოგრაფია და ფოტოების გადაღება.

“სამი შვილი მყავს, მათგან ორს აუტიზმის სპექტრი აქვს კომუნიკაციის სირთულეებით. არიადნა არ ლაპარაკობს, ხოლო 8 წლის გაგიკს განვითარების შეფერხება აქვს. წლების განმავლობაში არიადნას არცახში თერაპიაზე ვატარებდით, მაგრამ მას ჩვენთან კონტაქტი არასოდეს დაუმყარებია; არ პასუხობდა ჩვენს კითხვებს. არ ვიცი, რა გააკეთეთ ბოლო თვეების განმავლობაში, მაგრამ არიადნამ კომუნიკაცია დაიწყო, რაც უზარმაზარი მიღწევაა და ეს ყველაფერი თქვენი დამსახურებაა. უზომოდ მადლობელი ვარ ASB-ის,“ - ამბობს ჰასმიკი, 33 წლის ქალი მთიანი-ყარაბაღიდან.          

პროექტი დაფინანსებულია გერმანიის ფედერალური საგარეო საქმეთა ოფისის (GFFO) მიერ.