ექსპერტთა აქტივობების გაცვლის ფარგლებში, DG - ECHO-ს დაფინანსებული პროექტის - ერთად შევძლებთ - თანამშრომლობა გადაუდებელი სიტუაციებისას რეგიონში ფარგლებში, საქართველოს და სომხეთის გადაუდებელი დახმარების სამედიცინო ჯგუფის ოთხმა წევრმა და პროექტის სამმა წარმომადგენელმა მონაწილეობა მიიღო 22-ე კატასტროფებისა და გადაუდებელი მედიცინის მსოფლიო ასოციაციის (WADEM) კონგრესში, რომელიც 2023 წლის 9-12 მაისს გაიმართა კილარნიში, ირლანდია. 



ღონისძიება წარმოადგენს შესანიშნავ შესაძლებლობას კატასტროფების მედიცინის, პრეჰოსპიტალური მოვლისა და გადაუდებელი დახმარების მართვისა და კომპლექსური ჰუმანიტარული კრიზისების ჯანმრთელობის ასპექტების გამოცდილების გაზიარებისთვის. ქართული და სომხური დელეგაციის შერჩეულმა მომხსენებლებმა გააკეთეს პროექტის პრეზენტაცია, სადაც განიხილეს გადაუდებელი დახმარების სამედიცინო ჯგუფების მიერ მიღწეული პროგრესი, არსებული გამოწვევები/შეფერხებები, სამომავლო გეგმები და  მიღებული გამოცდილება. ამასთანავე, პროექტს ჰქონდა საგამოფენო დახლი, სადაც წარმოდგენილი იყო პროექტის ხილვადობის მასალები.



კონგრესმა განსაკუთრებული ყურადღება გაამახვილა ახალი საფრთხეებზე, მათ გავლენაზე ამჟამინდელ და მომავალ თემებზე, ასევე ტექნოლოგიების მნიშვნელოვან როლზე კატასტროფების მზადყოფნისა და რეაგირების საკითხებში. 

ღონისძიებაში მონაწილეობა მიიღეს ექსპერტებმა ყველა კონტინენტიდან, რომლებიც წარმოადგენენ კლინიკური ჯანდაცვის, პრეჰოსპიტალური მოვლის, კატასტროფების მედიცინისა და რეაგირების, საგანგებო მენეჯმენტს/მზადყოფნისა და ჯანდაცვის ადმინისტრირების სფეროებს. კონგრესი მოიცავდა მაღალკვალიფიციურ საერთაშორისო და ადგილობრივ მომხსენებლებს, ასევე ინტერაქტიული და ინოვაციური სესიებს.