საქართველოს გადაუდებელი დახმარების სამედიცინო ჯგუფის როტაციული წევრებისთვის 120-საათიანი ტრენინგი 29 სექტემბერს დაიწყო და 17 ოქტომბერს დასრულდება, ჯანდაცვის მსოფლიო ორგანიზაციის (WHO) ფინანსური მხარდაჭერით. სწავლების მიზანია სპეციალისტების იმ გუნდის მომზადება, რომლებიც საჭიროების შემთხვევაში სწრაფად მობილიზდებიან EMT-ის გასაგზავნად. პროგრამა განსაკუთრებულ ყურადღებას უთმობს ჰუმანიტარული დახმარებისა და სამოქალაქო თავდაცვის მექანიზმებს, ასევე გადაუდებელი დახმარების სამედიცინო ჯგუფების მუშაობას. მონაწილეები გაეცნობიან საუკეთესო საერთაშორისო პრაქტიკებს, აგრეთვე EMT-ის ეფექტიანი მართვისა და მუშაობის აუცილებელ ლოჯისტიკურ სამედიცინო და ფსიქოლოგიურ ასპექტებს. EMT-ის წევრებს შეეძლებათ როგორც ეროვნულ, ისე საერთაშორისო დონეზე კრიზისების დროს, საგანგებო სიტუაციებში საკუთარი და სხვა ქვეყნებს გაუწიონ დახმარება.
            

“დიდი მადლობა მინდა გადავუხადო, ASB-ს საქართველოს, ასევე გერმანიას, რომ მხარს გვიჭერს ამ ძალიან მნიშვნელობანი პროექტის განხორციელებაში. წლების წინ ჩვენ, ASB-ს დახმარებით, დავიწყეთ EMT-ს მშენებლობა საქართველოში, ეს პროცესი დღემდე გრძელდება. მიმდინარე პროექტით, ჯანდაცვის მსოფლიო ორგანიზაციის მენტორები გვეხმარებიან, სტანდარტების შექმნაში, რომელთა მეშვეობითაც იმედია, მალე საერთაშორისო EMT-ის კლასიფიკაცია მოგვენიჭება“ - განაცხადა ამირან გოგიტიძემ, საგანგებო სიტუაციების კოორდინაციისა და გადაუდებელი დახმარების ცენტრის სამედიცინო უზრუნველყოფისა და გამოძახებათა მართვის დეპარტამენტის უფროსმა.
             

ღონისძიების გასხნას ესწრებოდნენ ASB-ს წარმომადგენლები. კავკასიის ოფისის რეგიონულმა დირექტორმა, კლემენს ფონ ჰაიმენდელმა თავის მისასალამებელ სიტყვაში აღნიშნა: “მოხარულები ვართ, რომ ამ პროექტს ვახორციელებთ უკვე მეოთხე წელია. EMTs გუნდების გაძლიერებისკენ მიმართული აქტივობებისა და აუცილებელი აღჭურვილობის გადაცემის შემდეგ, სომხეთსა და საქართველოში პროექტი დასასრულს უახლოვდება, თუმცა ეს არ ნიშნავს, რომ ჩვენ შევწყვეტთ თქვენს მხარდაჭერას. მნიშვნელოვანია საქართველოსა და სომხეთს საერთაშორისოდ კლასიფიცირებული EMT ჰყავდეს“.
              

საქართველოს გადაუდებელი დახმარების სამედიცინო ჯგუფის წევრებს უახლოეს მომავალში საშუალება ექნებათ ტრენინგის ფარგლებში მიღებული თეორიული ცოდნა პრაქტიკაში, სიმულაციურ ვარჯიშში მონაწილეობით განამტკიცონ.