+995 32 2 29 00 06
Eng

ASB საქართველო

არბაითერ - სამარიტერ - ბუნდმა (ASB) საქართველოში საქმიანობა 1992 წელს დაიწყო, როდესაც ქვეყანაში საოქალაქო ომი მძვინვარებდა. იმ დროისთვის, ASB-ს მთავარი მიზანი იყო ჰუმანიტარული დახმარების გაწევა, რათა გაეუმჯობესებინა საზოგადოების ყველაზე სუსტი და დაუცველი ფენის მდგომარეობა, მათი ვინც ყველაზე მეტად დაზარალდა ომის გამო. 1997 წელს სიტუაციის დასტაბილურების შემდეგ ASB-მ თავისი წარმომადგენლობა საქართველოდან გაიწვია.

2010 წელს ASB დაბრუნდა საქართველოში, ამჯერად უკვე იმ აქტივობების განსახორციელებლად, რომელიც გაზრდიდა კატასტროფის რისკების შემცირების საშუალებას. სოციალური სერვისების განვითარება, იძულებით გადაადგილებულ პირთა დახმარება და საქართველოს სამარიტელთა ასოციაციის გაძლიერება მის მთავარ ამოცანებად იქცა. დღეისათვის ორგანიზაცია ახორციელებს პროექტებს, რომელიც ყველა ჩამოთვლილ სფეროს ეხება, თანამშრომლობს, როგორც ქართულ, ისე უცხოურ არასამთავრობო ორგანიზაციებთან.

პროექტები

ახლახანს @
14 საათის წინ 📆16 ივნისს, თბილისში გრანტის მიმღებ ორგანიზაციებთან ოფიციალური ✍️ხელმოწერის ცერემონია გაიმართა. 💡საგრანტო კონკურსის მიზანი საქართველოში შეზღუდული შესაძლებლობის მქონე პირთათვის სოციალური მომსახურებების დანერგვა ან განვითარება იყო. პროექტის შედეგად სულ 8 ორგანიზაცია დაფინანსდა: ▪️ საქართველოს სამარიტელთა კავშირი (The Samaritan Association of Georgia - მესტია; ▪️ მოვუსმინოთ სამყაროს - თელავი; ▪️ თოლისკური, თოლისკური/Toliskuri- სოციალური საწარმო - ხობი; ▪️ ოდა ქეარი - ჩოხატაური; ▪️ მედინა 2015 მედინა2015" - პანკისი; ▪️ სმენადი «Smenadi» - მარნეული; ▪️ ღია სახლი ღია სახლი/Open House - ქუთაისი; ▪️ ასოციაცია გურია - ოზურგეთი. ♿️დაფინანსებული პროექტების შედეგად საქართელოს 5 რეგიონში შეზღუდული შესაძლებლობის მქონე პირთათვის სხვადასხვა სერვისი დაინერგება. ℹ️ოფიციალური ნაწილის შემდეგ გრანტის მიმღებმა ორგანიზაციებმა მოისმინეს ინფომრაციული სემინარები ASB საქართველოს თანამშრომლებისგან თემებზე: 🔸მონიტორინგი და შეფასება; 🔸ფინანსები; 🔸კომუნიკაცია. *** პროექტი "თანაბარი შესაძლებლობები შეზღუდული შესაძლებლობის მქონე პირთათვის" დაფინანსებულია 🇬🇪🇪🇺ევროკავშირის მიერ (European Union in Georgia)და მას ახორციელებს ASB საქართველო პარტნიორ ორგანიზაციებთან Education Development and Employment Center და Ertad (ხელმისაწვდომი გარემო ყველასთვის) ერთად.
1 კვირის 1 დღის 22 საათის წინ არასამთავრობო ორგანიზაცია „ტყიბულის რაიონის განვითარების ფონდი“, ASB საქართველოს მხარდაჭერით ხანდაზმულთა შინმოვლის სერვისისს ახორციელებს. პროექტის ფარგლებში, 30 ბენეფიციარს, თვეში ოთხჯერადი ინტენსივობით მიეწოდება საყოფაცხოვრებო და ჰიგიენური პირობების გაუმჯობესების, საკონსულტაციო, ფსიქოლოგიური მხარდაჭერისა და სოციალური მომსახურების კომპლექსი. პროექტის მიზანია ტყიბულის მუნიციპალიტეტში მცხოვრები მარტოხელა და მარტო მცხოვრები ხანდაზმულებისთვის თბილი, უსაფრთხო და ღირსეული პირობების შექმნა, მათთვის შინ მოვლის სერვისის მიწოდებით. *** პროექტი „პარტნიორობა ჩართულობითი პოლიტიკის შესაქმნელად" დაფინანსებულია 🇪🇺🇬🇪 ევროკავშირის მიერ, მას ახორციელებს ASB საქართველო, პარტნიორ ორგანიზაციებთან @CHCA საქველმოქმედო ჰუმანიტარული ცენტრი "აფხაზეთი" და Kakheti Regional Development Foundation (KRDF) ერთად. #EU4Georgia European Union in Georgia
1 კვირის 4 დღის 8 საათის წინ 🔎ASB საქართველომ, ამერიკის მთავრობის ფინანსური მხარდაჭერით სამეგრელოში მცხოვრებ 37 დევნილსა და მასპინძელი თემის წარმომადგენელს 📈ეკონომიკური საქმიანობის დასაწყებად ან გასავითარებლად სხვადასხვა საშუალებები გადასცა. 🚜მანქანა-დანადგარები, 🔦ხელსაწყოები, 🛠სამუშაო იარაღები და ინვენტარი, 🍩წარმოების საშუალებები და სხვ... ℹ️პროექტში სამეგრელოს რეგიონიდან 100-მდე დევნილი და ადგილობრივი მეწარმე იყო ჩართული. მონაწილეებმა გაიარეს ბიზნეს იდეების კონკურსი, ბიზნეს გეგმის შედგენისა და სოციალური უნარების ხუთდღიანი ტრენინგი და, საბოლოოდ, 37 მათგანის ბიზნეს იდეაც დაფინანსდა. 🥳5 ივლისს კი, ზუგდიდში დადიანების სასახლის მიმდებარედ გამარჯვებულთა დაჯილდოების ცერემონია გაიმართა. ღონისძიებაზე წარმოდგენილი იყო იმ ინვენტარის ნაწილი რაც პროექტის ბენეფიციარებმა მიიღეს. ღონისძიებას ესწრებოდნენ ადგილობრივი მთავრობის, ადგილობრივი და საერთაშორისო ორგანიზაციების, დონორი ორგანიზაციისა და განმახროციელებელი ორგანიზაციის წარმომადგენლები და ბენეფიციარები. *** პროექტი "დევნილი და მასპინძელი თემის ეკონომიკური განვითარება საქართველოში" დაფინანსებულია 🇺🇸🇬🇪ამერიკის შეერთებული შტატების მოსახლეობის, ლტოლვილთა და მიგრაციის ბიუროს (BPRM) მიერ და მას ახორციელებს ASB საქართველო, პარტნიორ ორგანიზაციასთან საქველმოქმედო , ჰუმანიტარული ცენტრი "აფხაზეთი" (CHCA) ერთად. US Embassy Tbilisi, Georgia
1 კვირის 4 დღის 8 საათის წინ 🥳5 ივლისი ჩვენთვის მნიშვნელოვანი დღე იყო. ASB საქართველომ და საქველმოქმედო ჰუმანიტარულმა ცენტრმა "აფხაზეთი" ზუგდიდში საარსებო წყაროების განვითარების ცენტრი (LDC) გახსნა. 💡ცენტრი სამეგრელოში მცხოვრებ დევნილებსა და მასპინძელი თემის წარმომადგენლებს მოემსახურება და მისი მიზანია საჭიროების მქონე ადამიანებში გაზარდოს საარსებო წყაროებზე ხელმისაწვდომობა. LDC სამეგრელოში მცხოვრებთათვის სხვადასხვა სერვისებს განახორციელებს: ინფორმაციის მიწოდება რეგიონში არსებულ სხვადასხვა შესაძლებლობებზე: ✅ დასაქმება, ✅მიკრო და მცირე მეწარმეობა, ✅ პროფესიული განათლება, ✅ტრენინგები, ✅სტაჟირება, ✅გრანტები და უპროცენტო სესხები. ასევე, ცენტრში დევნილებსა და მასპინძელ თემს ექნება შესაძლებლობა მოისმინოს ექსპერტებისაგან კონსულტაციები სწორი ბიზნეს გადაწყვეტილებების მიღების მიზნით და მიიღოს დახმარება რეზიუმეს, სამოტივაციო წერილისა თუ ბიზნეს წინადადების შედგენაში. ცენტრის გახსნის ცერემონიას, განმახორციელებელი ორგანიზაციების წარმომადგენელთა გარდა ესწრებოდა ადგილობრივი მთავრობის, დევნილთა სათემო ორგანიზაციებისა და დონორი ორგანიზაციის წარმომადგენლები. *** პროექტი "დევნილი და მასპინძელი თემის ეკონომიკური გაძლიერება საქართველოში" დაფინანსებულია 🇺🇸🇬🇪ამერიკის შეერთებული შტატების მოსახლეობის, ლტოლვილთა და მიგრაციის ბიუროს მიერ (BPRM) და ახორციელებს ASB საქართველო პარტნიორ ორგანიზაციასთან საქველმოქმედო ჰუმანიტარული ცენტრი "აფხაზეთი" (CHCA) ერთად. US Embassy Tbilisi, Georgia